हे पुस्तक मातृत्वाच्या संकल्पनेवर एक नवीन प्रकाश टाकते. लेखिका मज्जातंतुविज्ञान (न्यूरो सायन्स) क्षेत्रातील आहेत. त्या ज्ञानाचा उपयोग करून आणि प्रत्यक्षातील शेकडो पालकांचे मूल्यांकन करून ‘मातृत्व म्हणजे खरोखर काय असते,’ या प्रश्नाच्या गाभ्याशी त्या वाचकांना घेऊन जातात आणि तेही स्पष्टपणे, कोणतीही अतिशयोक्ती न करता. या पुस्तकातील प्रत्येक प्रकरणामध्ये, पालकांपुढे उभी राहणारी खरीखुरी परिस्थिती दर्शवली आहे. त्यातून शक्य तितक्या चांगल्या रीतीने मार्ग कसा काढायचा याचा आजच्या काळाला साजेसा सल्लाही दिला आहे. ‘बडबड ऐकायला जवळचा मित्र हवा’ आणि ‘मुलांना सगळीकडे बरोबर घेऊन जा’ यांसारखी प्रकरणे या पुस्तकात आहेत, त्यामुळे हे पुस्तक आनंदी, शांत आणि तणावमुक्त अशी ‘निर्वाण-माता’ होऊ पाहणार्‍या आजच्या सगळ्या मातांसाठी अत्यावश्यक आहे.\n\n